ဃ့ထီၣ်တၢ်ယိယိဖိ (ဃ့ထီၣ်တၢ်ဖိလၢတမ့ၢ်တၢ်လီၤတိၢ်လီၤဆီ)
ယဖိမုၣ်အကျါတဂၤန့ၣ် ယစံးဘၣ်အီၤလၢ “တချုးနမံန့ၣ် ဝံသးစူၤ မၤကဆှီတၢ်မဲာ်ညါဒၢးတထံၣ်” န့ၣ်ဒီး, စံးဆၢဝဲတဘျီဃီလၢ, “ဘၣ်မနုၤအဃိ အဝဲတဘၣ်မၤဝဲလဲၣ်” န့ၣ်လီၤ. ဖဲပဖိမုၣ်ဖိတဖၣ် အသးစၢ်ဒံးအကတီၢ် တၢ်ဂ့ၢ်လိာ်ဒ်သိးအံၤန့ၣ် အိၣ်ဝဲတလီၢ်လီၢ်န့ၣ်လီၤ. ထီဘိန့ၣ် ယတၢ်စံးဆၢမ့ၢ် တၢ်တမံၤဃီ, “လၢနဒီပုၢ်ဝဲၢ်မုၣ်တဖၣ်အဂီၢ် တဘၣ်ကိၢ်ဘၣ်ဂီၤနဲတဂ့ၤ, ယမၤနၢၤလီၤ” န့ၣ်လီၤ.
လံာ်ယိၤဟၣ် အဆၢဒိၣ် ၂၁ အပူၤ ပကထံၣ်ဘၣ် ပှၤဟီၣ်ခိၣ်ဖိအန့ဆၢၣ် ဒ်သိးအံၤန့ၣ်လီၤ. ဖဲစီၤပ့းတရူးသမၢအီၤသၢစုဝံၤန့ၣ် ကစၢ်ယ့ၣ်ရှူးဘၣ်မၤဂ့ၤမၤဘၣ်က့ၤ စီၤပ့းတရူးန့ၣ်လီၤ. (ကွၢ် ယိၤဟၣ် ၁၈:၁၅-၁၈,၂၅-၂၇). ခဲကနံၣ်အံၤ ယိၤ ၂၁:၁၉ အပူၤန့ၣ် ကစၢ်ယ့ၣ်ရှူး စံးဘၣ် စီၤပ့းတရူး “ပိာ်ယခံတက့ၢ်” န့ၣ် တမ့ၢ်တၢ်မၤလိာ် လီၤတိၢ်လီၤဆီဘၣ် ကဲထီၣ်တၢ်ဘၣ်ဒိဆါလၢအဂီၢ် န့ၣ်လီၤ. အဆၢဖိ ၁၈-၁၉ အပူၤန့ၣ် ကစၢ်ယ့ၣ်ရှူးဒုးသ့ၣ်ညါနၢ်ပၢၢ်အီၤ ဒ်သိးကပိာ်အခံ တုၤအသံတစုအဂီၢ်န့ၣ်လီၤ.
အဆၢဖိ ၂၁ အပူၤ ဖဲတချုးသံကွၢ် “တၢ်ကမၤအသးလၢအီၤဒ်လဲၣ်,” ဘၣ်ထွဲဒီး အပျဲၢ်အဘီၣ်…